Asteburu mugitua izan dute neskek; larunbatean Zallan izan zuten lasterketa eta igandean berriz, Balmasedan. Argazkian ikusi daitekeen moduan, Maddi Amondarain dugu, Euskaldun txapelketako lider berria, Balmasedan garaipena lortu ostean. Irati Astarloak ere lasterketa bikaina burutu zuen eta tropel nagusian amaitzea lortu zuen.

Juniorrak berriz, Uzarragako XL. igoera jokatu zuten, Oriako-Limousin taldeko Xabier Contreras hirugarren sailkatu zen, aurretik eginiko talde lanari esker. Hemen, Ohiana Zurdok, Antzuolan ateratako ARGAZKIAK.

Kadeteek, Elgoibarren zuten hitzordua. Luis Mari Garikanok, eguneko ihesaldian sartzeko trebezia izan zuen eta bost txirrindulariz osaturiko taldetxoa iritsi zen helmugara. Luis Mari laugarren izan zen helmuga marraren gainean. Nabarmentzekoa, taldekako sailkapenean Oriako-Limousin gailendu zela. Hemen dituzue, Ohiana Zurdok, Elgoibarren ateratako ARGAZKIAK eta Jon Lizarribarren ARGAZKIAK.

Azkenik, eskolako txikienak Andoaingo kaleetan aritu ziren itzuliak emanez. Lasterketa politak ikusteko parada izan zen. Hona hemen, Andoaingo Aitor Amutxastegik ateratako ARGAZKIAK.

Lasterketa guzti hauen sailkapenak, dagokion ATALEAN daude eskuragarri.

Iritsi da denboraldiko lehen garaipena. Aitor Zurdo izan zen nagusi Eibarren. Garaipen honen berri eta asteburuko gainentzeko lasterketen xehetasunak, 28 kanalak prestatu duen ondorengo bideoan:

Ohiana Zurdok ere, lasterketako ARGAZKIAK elkarbanatu ditu.

Eta sailkapenak berriz, dagokion ATALEAN.