Emaitza bikainak denboraldiko azken txanpan

Bost lasterketa izan ditugu azken aste honetan eta txirrindulariek egindako lan onaren ondorioz, emaitza oso onak lortu ditugu.

Pasa den ostiralean izan genuen lehena Zarautzen, gaueko kriteriuma izan zen eta bertan Jon Irisarrik puntuazioko proba irabaztea lortu zuen eta Andonik 3. postua lortu zuen eliminzaiozan. 

Larunbatean Soraluzera joan ginen. Bertan Xabier Contreras eta Ane Iriartek bere lehendabiziko lasterketan parte hartu zuten maila honetan eta taldeko postu hoberena Jon Madariagak lortu zuen 3.a geratuz. 

Asteburua bukatzeko Tafallara desplazatu ginen igandean eta bertan denboraldiko lehen etapa eskuratzea lortu genuen. Aipatzekoa etapa lortzeko modua Xabierrek eta Jon Irisarrik 40 kilometro baino gehiago egin bait zituzten biak bakarrik ihes eginda, honela, Xabierrek lehen postua eskuratu zuen eta Jonek 2. postua eta mendiko saria. 

Asteazkenenan, Azkoitian izan ginen eta hemen  Xabierrek ihesaldi luze baten ostean 2. postua eta mendiko saria eskuratu zituen. Bere atzetik Jon Irisarrik 3. postuan helmugaratzea lortu zuen eta Jon Madariagak 4.ean eta honela, taldeko sailkapena irabaztea lortu genuen. 

Azkenik,  lasterketa multzo honi amaiera emateko, Nafarrora beste behin joatea erabaki genuen ostegunean, kasu hontan Villatuertara. Bertan, nabarmentzekoa lasterketa gor batean Jon Irisarrik lorturiko 4. postua.

Orain, animoz beterik, Ibarrako lasterketara arte merezitako atsedenalditxo bat hartuko dugu.